29 апреля вспоминают

• Мученики Леонид и Хариесса, Ника, Галина, Калиса, Нунехия, Василисса, Феодора и Ирина Коринфские (258)..

• Мученицы Агапия, Ирина и Хиония Аквилейские (304).

• Икона Богородицы Ильинская (Черниговская).

Молитвы на 29 апреля

Мученики Леонид и Хариесса, Ника, Галина, Калиса, Нунехия, Василисса, Феодора и Ирина Коринфские (258).

Мученикам Леониду и Хариессе, Нике, Галине, Калисе, Нунехии, Василиссе, Феодоре, Ирине Коринфским молятся об укреплении веры.

• Тропарь мученику Леониду, глас 4. «Мученик Твой, Господи, Леониде, во страдании своем венец прият нетленный от Тебе Бога нашего имеяй бо крепость Твою, мучителей низложи, сокруши и демонов немощныя дерзости того молитвами спаси души наши. Звезда светлая явился еси непрелестная мирови, Солнца Христа возвещающи зарями твоими, страстотерпче Леониде, и прелесть погасил еси всю, нам же подавши свет, молися непрестанно о всех нас».

• Кондак мученику Леониду, глас 6. «Звезда светлая явился еси, непрелестная мирови, солнца Христа возвещающи, зарями твоими, страстотерпче Леониде, и прелесть погасил еси всю: нам же подаеши свет, моляся непрестанно о всех нас».

• Величание мученику Леониду. «Величаем тя, страстотерпче святый Леониде, и чтим честная страдания твоя, яже за Христа претерпел еси».

• Тропарь мученицам, глас 1. «Агницы словесныя Агнцу и Пастырю приведостеся мучением ко Христу, течение скончавше, и веру соблюдше. Темже днесь радостною душею совершаем, досточудныя, святую вашу память, Христа величающе».

• Кондак мученицам, глас 4. «Страстотерпиц Христовых память празднуем и верою просящи помощи, избавитися всем от всякия скорби, зовущи: Бог наш с нами, иже сих прославивый якоже изволи».

• Величание мученицам. «Величаем вас, страстотерпицы святыя Агапия, Ирино и Хиония, Виктория (Ника), Галино, Калисо, Нунехия, Василиссо, Феодоро, Ирино, и чтим честная страдания ваша, яже за Христа претерпели есте».

• Молитва мученикам Леониду и Хариессе, Нике, Галине, Калисе, Нунехии, Василиссе, Феодоре, Ирине об укреплении веры. «О святии мученицы! Прострите благоприятныя молитвы ваша ко Господу и Создателю нашему и умолите Его благость даровати нам (имена рек) вся к вечному спасению потребная, таже и к житию сему временному нужная: веруем бо несомненно, яко вся возможна вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков. Аминь».

Мученицы Агапия, Ирина и Хиония Аквилейские (304)

Мученицам Агапии, Ирине и Хионии молятся о защите детей своих от искусителей и соблазнителей на разные прегрешения.

• Кондак мученицам Агапии, Ирине и Хионии, глас 4. «Крепко душу, Ирино, ополчила еси верою, яве лукаваго посрамивши, и ко Христу привела еси тмы людей множества, блаженная, и, порфиру от кровей носящи, со ангелы ныне веселишися».

• Молитва любому святому. «Угодниче Божий (имя святого рек). Поминай нас в благоприятных твоих молитвах перед Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь».

Икона Богородицы Ильинская (Черниговская)

Пресвятой Богородице пред иконой Ея Черниговская (Ильинская) молятся об исцеления от паралича и расслабления, оспы, болезни ног, глаз и слепоты, беснования, от нападения темных сил, об избавлении от внезапной смерти.

• Тропарь Пресвятой Богородице пред иконой Ея Черниговская (Ильинская), глас 5. «Пречистая Владычице Богородице, упование всех христиан, понеже инаго упования не имамы разве Тебе, Всенепорочная Владычице моя, Госпоже Богородице, Мати Христа Бога моего. Темже помилуй и избави мя от всех зол моих и умоли Милостиваго Сына Своего и Бога моего, да помилует окаянную душу мою, и да избавит мя от вечныя муки, и сподобит мя Царствия Своего».

• Величание Пресвятой Богородице пред иконой Ея Черниговская (Ильинская). «Величаем Тя, Пресвятая Дево, Мати Христа Бога нашего, и чтим образ Твой святый, от негоже источаеши исцеления всем, с верою к Тебе притекающим».

• Молитва Пресвятой Богородице пред иконой Ея Черниговская (Ильинская). «О, Пресвятая Госпоже, Владычице моя Богородице, небесная Царице, спаси и помилуй мя, грешнаго раба твоего, от напрасным клеветы, от всякия беды и напасти и внезапныя смерти. Помилуй мя в дневных часех, и утренних, и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снабди, покрый и заступи. Защити мя, Владычице Богородице, от всех враг моих, видимых и невидимых, и от всякаго злаго обстояния. На всяком месте и на всякое время буди ми, Мати Преблагая, необоримая стена и крепкое заступление. О, Пресвятая Госпоже Владычице Дево Богородице, приими недостойную молитву мою и сохрани мя от напрасныя смерти, и даруй ми прежде конца покаяние. Пресвятая Богородице, спаси нас. Ты мне хранительница жизни всей явися, Пречистая! Ты мене избави от бесов в час смерти! Ты и по смерти упокой! Под твою милость прибегаем, Богородице Дево, молений наших не презри в скорбех, но от бед избави нас, едина чистая и благословенная. Пресвятая Богородице, спаси нас. Аминь».

Молитвы на среду

Рафаил, Архангел

Архангелу Рафаилу, врачевателю Божию, молятся об изцелении телесных и душевных недугов.

• Молитва Архангелу Рафаилу, читаемая в среду. «O великий Архангеле Божий Рафаиле, приемый дар oт Бога целити недуги, исцели неисцельные язвы моего сердца и многие болезни моего тела. O великий Архангеле Божий Рафаиле, ты еси путеводитель, врач и целитель, руководствуй меня ко спасению и исцели все болезни мои душевные и телесные, и проведи меня к Престолу Божию, и умоли Его благоутробие за грешную мою душу, да простит меня Господь и сохранит oт всех врагов моих и oт злых человек, oт ныне и до века. Аминь».

Пресвятая Богородица

Пресвятой Богородице молятся в минуты скорби и отчаяния, о защите от болезни и порчи, при семейных неурядицах, об укреплении веры, об избавлении от искушения, о возвращении надежды, в любой жизненной ситуации.

• Молитва Пресвятой Богородице, читаемая в среду. «Богородице, Ты еси упование мое, Ты ми еси стена и благонадежное пристанище и спасительное прибежище, утомляемому страстей нахождение. Спаси мя от всех враг моих, гонящих душу мою и ловящих ю различными искушении: на пути бо сем, по нему же хожду, многия сети скрыша ми; многия соблазны, многия неудобства, многая прелести, многия немощи, душевныя и телесныя, уловляют мя в падения греховныя. И уже аз, окаянный, впадох в сети вражия, и связан, и держим есмь ими: и что сотворю, отчаянный аз, недоумею. Аще бо восхощу покаятися, нечувствием и ожесточением одержим есмь; аще же плаката понуждаюся, не имам сокрушения сердечнаго и слез ни поне единыя капли. Увы окаянства моего! увы бедности моей! увы лишения моего! К кому убо прибегну прочее, повинный аз? Токмо к Тебе, благоутробная Мати Господа и Спаса нашего, ненадежных надеждо, стено и покрове к Тебе притекающих! Не отрини убо мене блуднаго, не возгнушайся мене сквернаго: Тебе бо едину в жизни моей стяжах утеху, Дево Марие Богородице, и к Тебе единей во всякой нужде прибегаю со дерзновением: не остави убо мене в жизни сей и во время смерти моея, предстани в помощь. Помощнице моя, да узрят Ти вси врази мои и постыдятся, Тобою побежденнии, Владычице, Ходатаице спасения моего. Аминь».

Молитвы на каждый день

Молитва Господня

Читается поутру, сразу после сна.

• «Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго, яко Твое есть Царство и сила и слава ко веки веков. Аминь».

Молитва Иисусова

Постоянная, круглосуточная.

• «Господи, Иисусе Христе, Сыне и Слове Божий, Богородицы ради, помилуй мя» - преподобный Нил Мироточивый Афонский (XVII век).

• «Господи Иисусе Христе, Сыне Божий, помилуй мя, грешнаго» - преподобный Исихий, просвитер Иерусалимский (Добротолюбие. М., 1900 г. т.2, с 159).

• «Господи Иисусе Христе, помилуй мя» - святой Григорий Синаит.

• «Сыне Божин, помилуй мя, грешнаго» - святитель Игнатий Брянчанинов.

• «Господи, Иисусе Христе, Сыне Божий, молитвами Богородицы помилуй мя грешнаго» - преподобный Серафим Саровский.

• «Господи Иисусе Христе, Сыне Божий, милитв ради Пречистыя Твоея Матере и всех святых, помилуй нас. Аминь» - Православный катехизис.

Молитва Святому Духу

Читается в течение дня.

• «Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша».

Песнь Пресвятой Богородице

Читается 12 или 24 раза в течение дня.

• «Богородице Дево, радуйся! Благодатная Марие, Господь с Тобою, благословена Ты в женах, и благословен плод чрева Твоего, яко Спаса родила ecu душ наших».

Молитва Трисвятое

Читается один раз в сутки, три раза подряд. Например перед сном.

• «Святый Боже, Снятыи Крепкий, Святыи Безсмертный, помилуй нас».